Որտեղ են ձերբակալել Սաակաշվիլիին
«ՌԻԱ Նովոստի» գործակալությունը գրում է,որ Վրաստանի նախկին նախագահ, Ուկրաինայի Օդեսայի շրջանի նախկին նահանգապետ Միխեիլ Սաակաշվիլիին ձերբակալել են Լուգանսկի մարզի ոստիկանության գլխավոր վարչության նախկին պետ Յուրի Պոկինբորոդայի տանը, հայտնել է Ուկրաինայի ՆԳՆ մամուլի խոսնակ Արտյոմ Շևչենկոն՝ հավելելով, որ Պոկինբորոդային աշխատանքից ազատել էին մի քանի ամիս առաջ: «Ոստիկանության գնդապետ Յուրի Պոկինբորոդան, ում բնակարանում ձերբակալվել է Սաակաշվիլին, 5 ամիս առաջ հեռացվել է Ազգային ոստիկանության շարքերից՝ հաստիքների կրճատման արդյունքում։ Նա իսկապես անցած ձմեռ ղեկավարել է Լուգանսկի մարզի ոստիկանությունը»,- շաբաթ գրել է Շևչենկոն Facebook-ում։ «Սաակաշվիլին հիվանդացել է։ Նրան հարկավոր էր տարրական բուժօգնություն։ Մենք ժամանակ չունեինք մտածելու՝ ուր տանել նրան։ Հիվանդանոց չէինք կարող տանել։ Մենք նրան բերեցինք իմ տուն, և այստեղ բժշկական օգնություն ցուցաբերվեց»,- պատմել է Յուրի Պոկինբորոդան:
Հետևեք մեզ Viber-ում
