Սաակաշվիլին անժամկետ հացադուլ կսկսի
«РИА НОВОСТИ»-ն հայտնում է,որ փաստաբան Ռուսլան Չերնոլուցկին տեղեկացրել է այն մասին,որ Վրաստանի նախկին նախագահ, Ուկրաինայի Օդեսայի շրջանի նախկին նահանգապետ Միխեիլ Սաակաշվիլին հայտարարել է անժամկետ հացադուլ սկսելու մասին։ «Սաակաշվիլին հայտարարել է անժամկետ հացացադուլ սկսելու մասին։ Նաև ասում է, որ բռնի կերպով կերակրումից նույնպես հրաժարվում է։ Եթե նրա նկատմամբ խափանման միջոց ընտրվի 60-օրյա կալանքը, նա կշարունակի հացադուլը»,- ասել է Չերնոլուցկին քննչական մեկուսարանից դուրս գալուց հետո։ Հիշեցնենք,որ երեկ ուշ երեկոյան Ուկրաինայի գլխավոր դատախազ Յուրի Լուցենկոն հայտարարել է, որ Սաակաշվիլին ձերբակալվել է և տարվել քննչական մեկուսարան։ Նա ձերբակալվել է հանցախմբերի անդամներին աջակցելու ու նրանց հանցավոր գործունեությունը քողարկելու մասին քրեական գործի շրջանակում:
Հետևեք մեզ Viber-ում
