Մարզպետները չեն կարողանում բավարար մարդ հավաքել եկեղեցու դեմ սրբապղծության համար․ պատճառը՝ նրանց ընտանիքի անդամներն են

Մարզպետները չեն կարողանում բավարար մարդ հավաքել եկեղեցու դեմ սրբապղծության համար․ պատճառը՝ նրանց ընտանիքի անդամներն են

 «Հայելի» մամուլի ակումբի տեղեկություններով՝ Նիկոլ Փաշինյանի մարզպետներին հանձնարարվել է կազմել ցուցակ այն մարդկանց, ովքեր կհամաձայնեն մասնակցել Հայ Առաքելական Եկեղեցու դեմ սրբապիղծ արշավին, ներառյալ՝ ներխուժել վեհարան։

Սակայն ոչ մի մարզպետի դեռ չի հաջողվել ապահովել անհրաժեշտ թվով մարդկանց ցուցակ։ Մարդիկ վախենում են մասնակցել այդ սրբապիղծ գործողություններին։

Պատճառը «պոտենցիալ անիծվածների» շրջապատի, ավելի կոնկրետ՝ ընտանիքի անդամների ճնշումներն են։ Նախ մարդկանց վրա մեծ ազդեցություն է ունեցել Հայր Ասողիկի անեծքը, ըստ որի՝ ով կհամարձակվի հարձակվել Մայր Աթոռի վրա ու այդպիսով կկատարի սրբապղծություն, սերնդեսերունդ անիծված կլինի։

Երկրորդ շատ ազդեցիկ իրադարձությունը Քահանա Ղալաչյանի կողմից ՔՊ-ական պատգամավոր Նարեկ Գրիգորյանին մկրտության քավոր կանգնելու արգելքներ։ Հանրային ծառայողների ընտանիքները սարսափած են այն մտքից, որ իրենց կարող են անիծել ու զրկել մկրտության, հաղորդության, ապաշխարության, հոգեհանգստի և այլ եկեղեցական սուրբ ծիսակարգերի մասնակցելու հնարավորությունից։

 Այս վախերն ու իր մարզպետների ապաշնորհությունը հիստերիայի մեջ են գցել Նիկոլին, նա խիստ զայրացած է մարզպետների վրա։