Փաշինյանի վարչակազմին հավաստիացրել են, որ Սամվել Կարապետյանը վճռականորեն և առանց երկմտելու մուտք է գործում Հայաստանի քաղաքական դաշտ

 «Հայելի» մամուլի ակումբի տեղեկություններով՝ Նիկոլ Փաշինյանի վարչակազմին ռուս-հայկական օրակարգի վերաբերյալ ներքին տեղեկություններ են փոխանցում միաժամանակ երկու «գործընկեր»՝ Կրեմլից և Ռուսաստանի Արտաքին գործերի նախարարությունից։

Նրանք են հավաստիացրել Փաշինյանի վարչակազմին, որ Սամվել Կարապետյանը վճռականորեն և առանց երկմտելու մուտք է գործում Հայաստանի քաղաքական դաշտ։ Այս տեղեկությունը դրդել է Փաշինյանին հնարավորինս արագ քայլեր ձեռնարկել Կարապետյանի դեմ։

Տվյալ աղբյուրները ներկայացնում են այն քաղաքական շրջանակները, որոնք ունեն սեփական ամբիցիաները Ռուսաստանի ներքաղաքական դաշտում և չեն ցանկանում, որ պրոհայկական դիրքորոշում ունեցող ռուս քաղաքական գործիչները հաջողություններ գրանցեն կամ առանձնանան։ Մեկ վարկածն այն է, որ բացի սեփական մանր ամբիցիաները, այդ ուժերը-մարդիկ փոխկապակցված են այսպես կոչված Ռուսաստանում «թուրքական լոժայի» հետ։