Ջաբրահիլում հայկական եկեղեցու բացման համար անհանգստացած ենք.Մամեդյարով
«Երեւանը շարունակում է իր անօրինական գործունեությունը` փոփոխելով Ադրբեջանի աշխարհագրական ու մշակութային բնութագիրը` իրենց կողմից օկուպացված տարածքում: Ջաբրահիլում հայկական եկեղեցու բացման փաստով Ադրբեջանը խիստ անհանգստացած է »,-ասել է Ադրբեջանի արտաքին գործերի նախարար Էլմար Մամեդյարովը` լրագրողներին ներկայացնելով իր եւ ՀՀ ԱԳՆ Էդվարդ Նալբանդյանի երեկվա հանդիպումը: «Ջաբրահիլում երբեք հայեր չեն ապրել: Այդ բնակավայրն ամբողջությամբ ադրբեջանցիներով է բնակեցված եղել, նրանց նկատմամբ էթնիկ մաքրում է կատարվել 1993 թվականին: Սա մեզ համար եւս մեկ դրսեւորում է Հայաստանի կողմից հումանիտար օրենքների խախտման: Այս քայլերը, ինչպես նաեւ հրադադարի պահպանման ռեժիմի խախտումները հակամարտ գոտում, կարծես չեզոքացնում են խաղաղ բանակցություններով հացի լուծմանը գնալու բոլոր ջանքերը: Ահա այս հարցերը չափազանց կարեւոր են եւ պետք է բազմակողմանի ուսումնասիրության ներկայացվեն ԵԱՀԿ Մինսկի խմբի ու նրա համանախագահողների կողմից»,-ասել է Մամեդյարովը:
Հետևեք մեզ Viber-ում
