Վիեննայի և Սանկտ Պետերբուրգի որոշումները պետք է կյանքի կոչվեն
Առավոտը գրում է.Երեկ ԵԱՀԿ Մինսկի խմբի համանախագահ երկրների՝ ԵԱՀԿ նախարարների խորհրդի պատվիրակությունները՝ ՌԴ ԱԳ նախարար Սերգեյ Լավրովը, ԱՄՆ պետբարտուղար Ռեքս Թիլերսոնը և Ֆրանսիայի մշտական ներկայացուցիչ Վերոնիկ Ռոժե Լականը համատեղ հայտարարություն են տարածել, որում շեշտել են, որ համանախագահները հավատարիմ են իրենց հանձնառություններին՝ միջնորդ հանդիսանալ ԼՂ հակամարտության խաղաղ կարգավորման գործում՝ հիմնված Հելսինկյան եզրափակիչ ակտի հիմնարար սկզբունքների վրա, այդ թվում՝ ուժի կամ ուժի սպառնալիքի չկիրառած, տարածքային ամբողջականություն, մարդկանց հավասար իրավունքներ և ինքնորոշում: «Անդրադառնալով երկու երկրների նախագահների պարտավորություններին՝ լրացուցիչ միջոցներ ձեռնարկել շփման գծում լարվածությունը թուլացնելու ուղղությամբ՝ մենք կոչ ենք անում Բաքվին և Երևանին ընդլայնել ԵԱՀԿ գործող նախագահի անձնական ներկայացուցչի գրասենյակը: Պետք է կյանքի կոչվեն նաև 2016թ. Վիեննայի և Սանկտ Պետերբուրգի գագաթնաժողովներում ընդունված մյուս որոշումները: Մենք ողջունում ենք, որ կողմերը պատրաստակամություն են հայտնել հաշվի առնել համանախագահների առաջարկը՝ ուղղված հայերի և ադրբեջանցիների միջև մարդկային շփումների վերականգնմանը և աջակցությանը Կարմիր խաչի միջազգային կոմիտեին՝ անհետ կորածների տվյալների փոխանական վերաբերյալ: Մենք կողմերին կոչ ենք անում ավելորդ կերպով չքաղաքականացնել այս կարևոր մարդասիրական քայլերը»,- մասնավորապես նշվում է հայտարարության մեջ: ՌԴ-ն կշարունակի ջանքերը ԼՂ հակամարտությանը լուծում գտնելու ուղղությամբ՝ իր հերթին նշել է ՌԴ ԱԳ նախարար Սերգեյ Լավրովը. «Որպես ԵԱՀԿ Մինսկի խմբի համանախագահ՝ Ռուսաստանը կշարունակի ջանքերը ԼՂ հակամարտության կարգավորման համար բոլոր կողմերին ընդունելի լուծում փնտրելու ուղղությամբ»: Ամբողջական՝ թերթի օրվա համարում
Հետևեք մեզ Viber-ում
