ԱԺ աշխատակազմի ղեկավարին կհաջողվի՞ ազատվել Արսեն Բաբայանից

«ՉԻ» տեղեկություններով՝ Ազգային ժողովի աշխատակազմի ղեկավար Արա Սաղաթելյանը դժգոհ է ԱԺ հանրային կապերի վարչության պետ Արսեն Բաբայանի գործունեությունից։ «ՉԻ» աղբյուրների փոխանցմամբ՝ լրագրողական հանրույթից շարունակում են բազմաթիվ դժգոհություններ հնչել վերջինիս աշխատաոճի վերաբերյալ, և նաև այդ պատճառով Արիկ Սաղաթելյանը ցանկանում է ազատվել Արսեն Բաբայանից։ Բաբայանի վերջին վրիպումներից մեկն էլ լրագրողական հանրույթի ուշադրությունը ՀՀԿ-ական Հերմինե Նաղդալյանի 3G-ի վրա սևեռելն էր։ Հիշեցնենք, որ լրատվամիջոցներում մեծ հետաքրքրություն էր առաջացրել այն տեղեկությունը, որ ԱԺ նախկին փոխնախագահ Հերմինե Նաղդալյանը 2 մլն դրամի պարտք է կուտակել բջջային հեռախոսային խոսակցությունների համար, որը վճարվել է պետբյուջեից։ Արսեն Բաբայանը շտապել էր յուրովի հերքել կատարվածը. «2 մլն դրամը չհիմնավորված բամբասանք է։ Նման գումար չի եղել։ Դեռևս մայիսին Հ.Նաղդալյանի բջջային հեռախոսի համար եղել է խոշոր գումար, որը ԱԺ աշխատակազմի կողմից վիճարկվել է։ «ՎիվաՍել-ՄՏՍ» ընկերության կատարած ուսումնասիրության արդյունքում պարզվել է, որ պարտքը առաջացել է տեխնիկական խնդրի պատճառով, մասնավորապես, ռոումինգ ցանցում միացված է եղել 3G կապը։ Ընկերությունը հրաժարվել է իր ներկայացրած հաշվից դեռևս մայիսին։ Ուստի՝ ԱԺ աշխատակազմը գումար չի վճարել, հետևաբար՝ չկար և անհրաժեշտություն փոխհատուցման պահանջ ներկայացնելու»,- ասել էր Բաբայանը, իսկ հետո ստիպված էր եղել հերքել սեփական խոսքերը` հարուցելով ղեկավարության զայրույթը։ Ամբողջական՝ թերթի օրվա համարում