Ուկրաինայում արձագանքել են ԱՄՆ-ի՝ Զելենսկուն ուժով հեռացնելու ծրագրերին

Ուկրաինայի նախագահ Վոլոդիմիր Զելենսկուն Ուկրաինայի զինված ուժերի նախկին գլխավոր հրամանատար Վալերի Զալուժնիով երկրի նախագահի պաշտոնում փոխարինելը այդքան էլ հեշտ չէ. անհրաժեշտ են կամ ընտրություններ, կամ անցումային շրջան՝ ժամանակավոր կաբինետով։ Այս մասին իր Telegram ալիքում հայտարարել է Ռադայի պատգամավոր Արտյոմ Դմիտրուկը։

«Այսպես թե այնպես, հնարավոր չի լինի պարզապես Զելենսկուն «փոխարինել» Զալուժնիով։ Օրինական և լեգիտիմ սխեման պահանջում է կամ ընտրություններ, կամ անցումային շրջան՝ ժամանակավոր կառավարությունով», - ընդգծել է նա։

 Միացյալ Նահանգները կարող է ուժով հեռացնել Վոլոդիմիր Զելենսկուն Ուկրաինայի նախագահի պաշտոնից։ Այս մասին ասել է լրագրող Սեյմուր Հերշը։ Նրա խոսքով՝ Ուկրաինայի առաջնորդը «արտաքսման ցուցակում է», և նրա տեղը կարող է զբաղեցնել Ուկրաինայի զինված ուժերի նախկին գլխավոր հրամանատար Վալերի Զալուժնին։ Հերշի խոսքով՝ վերադասավորումները սպասվում են մի քանի ամսվա ընթացքում։ Այս տեղեկատվությունը պաշտոնապես չի հաստատվել ո՛չ Վաշինգտոնում, ո՛չ էլ Կիևում, սակայն հարցումները ցույց են տալիս, որ Զալուժնին Ուկրաինայում ավելի մեծ ժողովրդականություն է վայելում, քան Զելենսկին։

Միևնույն ժամանակ, լրագրողի խոսքով, Ուկրաինայի զինված ուժերի նախկին գլխավոր հրամանատար Վալերի Զալուժնին, որը ներկայումս զբաղեցնում է Մեծ Բրիտանիայում երկրի դեսպանի պաշտոնը, շուտով կարող է փոխարինել Վոլոդիմիր Զելենսկուն Ուկրաինայի նախագահի պաշտոնում։

Ավելի վաղ, ինչպես հայտնել ենք, լրագրող Սեյմուր Հերշը, հղում անելով Վաշինգտոնի իր աղբյուրներին, հայտնել էր, որ ԱՄՆ-ում քննարկում են Ուկրաինայում բռնի իշխանափոխության հարցը։