Մոսկվայի օդանավակայանում խուզարկում են մեր պետության երկրորդ դեմքին. Սասուն Միքայելյան
ԱԺ-կառավարություն հարցուպատասխանի ժամանակ «Ելք» խմբակցության պատգամավոր Սասուն Միքայելյանը նախ թույլտվություն խնդրեց հեռակա դիմել արտգործնախարարին, քանի որ նա բացակայում էր ԱԺ դահլիճից և մի դեպք պատմեց, թե ինչպես են վարվել իր և մի քանի հայ պատգամավորների հետ սահմանային անցակետում: Նա ասաց, որ հասկանում է, որ յուրաքանչյուր երկիր իր օրենք ունի, սակայն չկա՞ արդյոք միջպետական պայմանագիր: «Տաջիկստանի Հանրապետության նախագահի հրավերով ԱԺ-ից պատվիրակություն էր գնացել, պարոն Բաբլոյան, կներեք, խոսքս վերաբերում է մեր պետության երկրորդ դեմքին: Հետ գալուց Մոսկվայի օդանավակայանում, այնտեղ Մոսկվա-Երեւան ինքնաթիռն ուշացել էր ու ամբողջ ուղեւորների դեմը, անցումային կետում, հասկանում եմ, ուրիշ պետության սահմանն ենք հատում, պետք է ենթարկվենք իրենց օրենքներին, բայց լինելով ԵԱՏՄ անդամ, անցումային կետում խուզարկում են երկրորդ դեմքին, ռեմեն են հանել տալիս, գոտին են հանել տալիս, մի հատ ինչ-որ սերժանտ՝ ամբողջ մեր ժողովրդի աչքի դեմը: Մի քիչ տհաճ է, մեր պետության երկրորդ դեմքին է վերաբերվում»,- ասաց նա: Այնուհետև հայտարարեց, որ երբ ՌԴ պետդումայի նախագահ Վյաչիսլավ Վոլոդինը գալիս է Հայաստան, մենք ձեռքերի վրա ենք ընդունում, ոչ թե գոտին ենք հանել տալիս:
Հետևեք մեզ Viber-ում
