«Strikeball» խաղի երկրպագու Անդրանիկ Չամիչյանին «ահաբեկչության» մեղադրանքով 2 ամսով կալանավորեցին (video)

ՀՅԴ ՀԵՄ անդամ 18-ամյա Անդրանիկ Չամիչյանը 2 ամսով կալանավորվեց։ Այս մասին դատարանի մոտ լրագրողներին հայտնեց փաստաբան Ռուբեն Մելիքյանը։

«Որեւէ անկանխատեսելի բան տեղի չունեցավ։ Անդրանիկ Չամիչյանը կալանավորվեց երկու ամսով՝ Strikeball խաղի սիրահար լինելու համար։ Անունը դրեցին ահաբեկչության նախապատրաստություն։ Թե ինչ ահաբեկչություն էր, ով էր այդ ահաբեկչությունն անում, ում դեմ էր անում, որեւէ տեղեկություն քննչական մարմիններն այս պահի դրությամբ չունեն։

Միակ դրական այնն է, որ թեև քննչականը միջնորդել էր առհասարակ փակել տեսակցությունները բոլորի, այդ թվում նաև ծնողների հետ, դատարանն այդ մի փոքր մարդասիրական քայլը արեց, իրականում լուրջ առոջղական խնդիր ունեցող տղային գոնե թույլատրեց, որ ծնողների հետ կարողանա տեսակցել։

Հենց առողջական խնդրի պատճառով է, որ նա բանակում չէ։ Ես հիմա չեմ կարող ավելի հստակ ասել, բայց այնպիսի խնդիր է, որը խոչընդոտ է բանակում ծառայության համար»,- ասաց փաստաբանը։

Քանի որ նախաձեռնությունն իրավապահ մարմիններինը չէր, մենք այն ժամանակ մտածեցինք՝ հնարավորություն տալ իրավապահ մարմիններին, որովհետև այնտեղ ինչ-որ բաներ կային, որոնք կարող էին կասկածելի լինել։ Մանրամասն ներկայացրեցի՝ որտեղից է գնել, ինչու է գնել։ Իմ պաշտպանյալի մոտից չի հայտնաբերվել գեթ մեկ առարկա, որ ինքնին կլիներ ապօրինի։

Ինչ-որ F-1 նռնակի մասին են խոսում, դա Անդրանիկ Չամիչյանի հետ որեւէ կապ չունի։ Իր մոտից որևէ ապօրինի իր հայտնաբերված չէ»,- ընդգծեց Մելիքյանը։

Մանրամասն՝ տեսանյութում։