Արցախ այցելած թուրք գործիչները նամակ են հղել Ալիևին. Ինչ են հայտարարել նրանք
Սեպտեմբերին Արցախ այցելած թուրք հասարակական-քաղաքական գործիչները` Ուֆուկ Ուրաս,Ալի Բայրամօղլու, Սաիտ Չետինօղլու և Էրոլ Կատըրջըօղլու, ովքեր այցից անմիջապես հետո հայտնվել էին Ադրբեջանի սև ցուցակում, և նրանց նկատմամբ միջազգային հետահուզում էր հայտարարվել, հանդես են եկել հայտարարությամբ` կապված Թուրքիայի արտաքին գործերի նախարար Մևլութ Չավուշօղլուի` օրերս արած հայտարարության հետ: Թուրք գործիչների հայտարարության տեքստը ներկայացնում ենք ստորև. «Արտաքին գործերի նախարար Չավուշoղլուն հայտարարություն է արել, սեպտեմբեր ամսին մեր` Ղարաբաղ կատարած այցելության և այդ առիթով Ադրբեջանի կողմից ձեռնարկած հետաքննության վերաբերյալ։ Այդ իսկ պատճառով ստիպված ենք անել հետևյալ հայտարարությունը. Ադրբեջանի պետական կառույցների կողմից նախաձեռնած հետաքննության շրջանակներում, որոնք հիմնված են միջազգային պայմանագրերի վրա, արդարադատության նախարարություն ներկայացրած հարցերին պատասխանել ենք ըստ ընթացակարգի։ Իսկ Թուրքիայում Ղարաբաղի մեր այցելության հետ կապված ոչ մի հետաքննություն և դատական հետապնդում չկա։ Ճշմարտությանը չի համապատասխանում այն պնդումը, որ մենք զանգել ենք արտաքին գործերի նախարար Չավուշօղլուին ու հայտնել ենք «զղջում» մեր այցելության համար։ Մենք «հակամարտությունների լուծումների» հետ կապված նման տարածաշրջաններ այցելող և ուսումնասիրություններ կատարող գիտնականներ, հետազոտողներ և լրագրողներ ենք։ Մեր այցը կապ չունի Հայաստան-Ադրբեջան վեճի և Ղարաբաղի իրավական կարգավիճակի հետ։ Մենք որպես քաղաքացիներ դիմել ենք նախարարին` պահանջելով պաշտպանել մեր իրավունքները` Ադրբեջանի կողմից ձեռնարկած հետախուզման եւ կարմիր ցանկի մեջ ներառման հարցում։ Նախարարի ցանկությամբ մենք նամակ գրեցինք Ալիևին, որտեղ ներկայացրինք Ղարաբաղ կատարած մեր այցելության պատճառները ու հայտնեցինք մեր անհանգստությունը ստեղծված իրավիճակի վերաբերյալ։ Չընդունեցինք նախարարի առաջարկը՝ նամակի մեջ «զղջում», «ներողություն» և նման արտահայտություններ ավելացնելու համար։ Դիմում ենք հասարակությանը՝ Ալի Բայրամօղլու Սաիտ Չետինօղլու Էրոլ Կատըրջըօղլու Ուֆուկ Ուրաս»:
Հետևեք մեզ Viber-ում
