Հայկ Բաբուխանյանն աղջիկների դոշերի մասին
«Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրինագծի քննարկման ժամանակ միջադեպ տեղի ունեցավ նիստերի դահլիճում։ԱԺ ՀՀԿ խմբակցության պատգամավոր Հայկ Բաբուխանյանն սկսեց քննադատել «ՖԵՄԵՆ» կազմակերպությանը: «Մի կազմակերպություն կա, կոչվում է «ՖԵՄԵՆ», էն որ աղջիկները դոշերը բացում են, իրանց ճղում են, չգիտեմ՝ ինչ են անում, դա էլ է համարվում հասարակական կազմակերպություն։ Եթե դրանց էլ մենք պետք է խառնենք մեր ընտանիքների գործին, ես ներողություն, այդ «քաղհասարակություն» տերմինը չեմ հասկանում»։ Սակայն ԱԺ «Ելք» խմբակցության պատգամավոր Մանե Թանդիլյանին դուր չեկավ Բաբուխանյանի հայտարարությունը, և հորդորեց նրան կանանց հասցեին գռեհիկ կերպով չխոսել: «Պարոն Բաբուխանյան, ինչպե՞ս եք ձեզ թույլ տալիս այդպես արտահայտվել կանանց հասցեին։ Թերևս դա է ձեր վերաբերմունքը կանանց հանդեպ բռնության։ Խնդրում եմ զգույշ արտահայտվել և ուշադիր լինել ձեր ընտրած արտահայտությունների նկատմամբ»։
Հետևեք մեզ Viber-ում
