Ձեր ռեսուրսները որտեղի՞ց էին, որ կարողացաք այդքան ձայն ապահովել. Բաղդասարյանը՝ Փաշինյանին
«Այն իրատեսական և կայունացման բյուջե է: Չափազանցված թվեր ու տողեր չկան այս բյուջեում, բյուջեի վրա ճիշտ աշխատելու դեպքում կարող ենք հասնել այն նպատակին, որը հետապնդում է Կառավարությունը»,- Ազգային ժողովում «Հայաստանի Հանրապետության 2018 թվականի պետական բյուջեի մասին» նախագծի վերջնական քննարկմանը ԱԺ «Հայաստանի Հանրապետական կուսակցություն» խմբակցության անունից ելույթ ունեցավ Վահրամ Բաղդասարյանը: «Ինձ համար անհասկանալի է ընդդիմադիրների քննադատությունները, մասնավորապես «Ելք» խմբակցության ղեկավար Նիկոլ Փաշինյանի, թե ՀՀԿ-ն իր ձայների մեծամասնությունն ընտրակաշառք բաժանելով է ստացել: Ելույթների մեծ մասում անդրադարձ էր կատարվում ընտրություններին: Այս ելույթները պետք է լինեին կամ նախընտրական, կամ հետընտրական շրջանում: Եթե հիշում եք, շատ մեծ գոհունակություն էին հայտնում այն ուժերը, որոնք այդ արգելքը հաղթահարել էին և եկել ԱԺ, ընտրությունների ժամանակ որևէ ուժի հանձնաժողովի անդամի կողմից չի եղել դիտարկում, որևէ ցույցեր չեն եղել, ընդամենը մեկ դիմում է ներկայացվել ՍԴ ՀԱԿ խմբակցության կողմից, այսինքն՝ բոլորը գոհ էին, իսկ ինչ վերաբերում է ընտրակաշառքներին, ես խնդրում եմ՝ բոլորդ մոնիտորինգ արեք, թե ում ռեսուրսներն ինչքան էին, և որտեղից էին դրանք, եթե դուք խոսում եք իշխանության ռեսուրսների մասին, ապա ասեք՝ ձեր ռեսուրսները որտեղից էին, որ կարողացաք այդքան ձայն ապահովել»,-ասաց նա:
Հետևեք մեզ Viber-ում
