Մարդիկ պետպատվերի ուղեգիրը ձեռքներին գնում են հիվանդանոց ու մերժվում. Նիկոլ Փաշինյան
«Իրավիճակ կա՝ երբ մարդիկ, ուղեգիրը ձեռքին, ընկնում են հիվանդանոցների դռները, ոչ մեկ նրանց չի վիրահատում։ Հիվանդանոցներից առաջարկում են հերթագրվել վիրահատության համար։ Երբ հետաքրքրվում ենք հիվանդանոցներից, թե ինչն է պատճառը, մեզ ասում են, թե ասենք՝ հինգ միլիոն դրամ է պետությունը տրամադրում պետպատվերի համար, բայց մենք սեպտեմբերին կամ հոկտեմբերին այդ հինգ միլիոն դրամը կատարել ենք», - 2018-ի տարվա պետական բյուջեի նախագծի քննարկումների մեկնարկին ԱԺ «Ելք» խմբակցության ղեկավար Նիկոլ Փաշինյանը պետպատվերով վիրահատությունների խնդիրը բարձրացրեց :Դիմելով բյուջեի նախագիծը խորհրդարանին ներկայացնող ֆինանսների նախարար Վարդան Արամյանին ասաց,որ մարդիկ պետք է պարտադիր ծանոթ-բարեկամ կամ պատգամավոր մեջտեղ գցեն, որ վիրահատվեն։ Նախարարը համաձայնեց, որ խնդիրը կա ու նկատեց, որ առողջապահության նախարարը բարեփոխումների փաթեթ է ներկայացրել, որտեղ այդ խնդրի լուծումը կա։ «Ճիշտ եք նկատել։ Մենք պետք է այնպես անենք, որ կարևորագույն սկզբունք լինի՝ ոչ թե մարդը գնա փողի հետևից, փորձի այդ փողը վերցնել կամ գնա ինչ-որ մի տեղ ու իրեն մերժեն, այլ փողը պետք է գնա շահառուի հետևից», - ասաց Արամյանը։
Հետևեք մեզ Viber-ում
