Զբաղմունքներ շատ ունի, զբաղվում է. Արգամ Աբրահամյանը՝ հոր մասին
«Ծառուկյան» խմբակցության պատգամավոր Արգամ Աբրահամյանը հերքում է տեղեկություններն այն մասին, որ պատգամավորի գործունեություն իրականացնելուց հետո դադարել է Արտաշատ քաղաքում բարեգործություններ անելը: «Հիմա կարող եք գնալ ու տեսել՝ աշխատո՞ւմ է տրանսպորտը, թե՝ ոչ»,- ասաց նա՝ հավելելով, որ այդ տեղեկությունները սուտ են: Նա դժվարացավ պատասխանել հարցին, թե ով է շահագրգռված նման տեղեկություններ տարածելու հարցում: «Ինչ մենք արել ենք, ինչ նախագծեր, ինչ բարեգործական ծրագրեր որ սկսել ենք, հիմա էլ շարունակվում են եւ որեւէ բանի հետ կապ չունեն»,- հավաստիացրեց Արգամ Աբրահամյանը: Անդրադառնալով Արտաշատի նոր քաղաքապետի հետ իր հարաբերություններին, նա նշեց, որ հարաբերությունները նորմալ են. «Շատ վաղուց ճանաչում եմ: Մեզ համար նա ընդունելի թեկնածու էր եւ սատարել ենք»: Անդրադառնալով հոր՝ ՀՀ նախկին վարչապետ Հովիկ Աբրահամյանի գործունեությանը, Արգամ Աբրահամյանը նշեց, որ դժվարանում է հստակ ասել՝ հայրը քաղաքականություն կվերադառնա, թե ոչ. «Զբաղմունքներ շատ ունի, զբաղվում է»:
Հետևեք մեզ Viber-ում
