Վարդան Ղուկասյանի մեղան-մեղան-մեղան

Դեկտեմբերի 7-ից առաջ ես չէի կարող ելույթ չունենալ. ԱԺ հայտարարությունների ժամին ասաց «Ծառուկյան» խմբակցության պատգամավոր Վարդան Ղուկասյանը:Նա նշեց, որ Գյումրիի բյուջեն 3 մլն դրամ է, և «աղետի գոտի» անունը 30 տարի է՝ տարածաշրջանից դուրս չի գալիս: Վարդան Ղուկասյանը հիշեցրեց, թե 1926-ին երբ Լենինականում՝ այն ժամանակվա Ալեքսանդրապոլում կրկին երկրաշարժ էր եղել, 37 խոշոր ձեռնարկություններ էին կառուցվել, որտեղ 77 հազար բանվոր էր աշխատում: «Երկրաշարժի տարիներին, վայ ղեկավարների օրոք միլիոններ եկան, բայց գումարները չհասան բնակչությանը, որոշ մարդիկ էլ այդ գումարները գցեցին բանկեր, այն էլ սառեցվեց, և բնակչությունը ոնց որ կանգնած էր երկրաշարժին հագի կոստյումով, ցավոք, մինչև հիմա էլ կանգնած է: Ամեն երրորդ տուն դատարկվում է: Գյումրեցին սովոր չէ դատարկ ձեռքով տուն մտնել, բայց հիմա տուն է մտնում, երեխաներն ասում են՝ պապա ջան սոված եմ, հաց կուզեմ, այդ հոր սիրտն է պայթում: Այն ժամանակ 30 000-անոց Լենինականում այդքան մարդ չէր մահանում, քան 160 հազարանոց Գյումրի քաղաքում»,-ասաց նա: Ելույթը վերջացնելուց հետո Վարդան Ղուկասյանը հեռացավ խաչակնքվելով: