Ո՞վ է համակարգել Վեհարանի վրա խուժման գործողությունը

Վաղ առավոտից, երբ ԱԱԾ աշխատակիցները փորձում էին Միքայել Սրբազանին դուրս հանել Մայր Աթոռից (ինչը նրանց չհաջողվեց), Վեհարանի տարածք բերվեցին ոստիկանության զորքերի մեծաթիվ ներկայացուցիչներ, որոնց գործողությունները, Yerkir.am-ի տեղեկություններով, անձամբ համակարգում էր ՀՀ ոստիկանության զորքերի հրամանատար, ոստիկանության պետի տեղակալ Հայկ Բաբայանը: 

Հենց նրա ուղեկցությամբ են հարյուրավոր, եթե չասենք՝ հազարավոր ոստիկաններ, մտնելով քաղաքացիների մեջ, փորձել բռնի ուժով բացել Վեհարանի դարպասները, որի ժամանակ քաշքշուկ և հրմշտոց տեցի ունեցավ նաև հոգևորականների ու ոստիկանների միջև: 

Ճանաչենք նրանց, ովքեր ազգակործան պատուհասի հրահանգով այսօր ելել էին 1700-ամյա մայր Աթոռի, Վեհարանի ու բարձրաստիճան հոգևորականության դեմ: Նրանք ևս հիշվելու են սերունդների կողմից այնպես, ինչպես հիշվում են պատմության ընթացքում Սուրբ Էջմիածնի վրա արշաված զավթիչներն ու բարբարոսները:  

Ի դեպ, Հայկ Բաբայան անուն-ազգանունով սույն անձն ամենևին ոչ պատահական կերպով ՀՀ ոստիկանության զորքերի հրամանատար, ոստիկանության պետի տեղակալ է նշանակվել 44-օրյա պատերազմին հաջորդող ընդվզումների փուլում՝ 2020 թ. նոյեմբերի 16-ին: Համակարգում խոսակցություններ կան, որ Հայկ Բաբայանի թիկունիքին կանգնած է անձամբ Աննա Հակոբյանը:  

Հետևությունները թողնում ենք մարդկանց: