Ես որևիցե բանից չեմ վախենում. Միքայել Սրբազան

Վարույթը նախաձեռնվել է հունիսի 17-ին, ինձ կարող էին հանգիստ մեկուսի ձերբակալել ամսի 17-ից մինչև 26-ը։ Բայց նրանք գիտակցաբար կամ անգիտակցաբար, ավելի հակված եմ առաջինին, որոշեցին ամսի 27-ին այս մասկի շոուն կազմակերպել, բայց չստացվեց։ Այս մասին Մայր Աթոռում լրագրողների հետ զրույցում ասաց Շիրակի թեմի առաջնորդ Միքայել Սրբազանը՝ շնորհակալություն հայտնելով հոգևորականներին՝ այդ թվում Վեհափառին, և քաղաքացիներին՝ նրանց ցուցաբերած վերաբերմունքի համար։

Միքայել Սրբազանը խնդրեց հոգևորականներին ու քաղաքացիներին՝ իրեն թույլ տալ ներկայանալ Քննչական կոմիտե։

Ինչ վերաբերում է նրան, որ իրեն էլ հնարավոր է՝ կալանավորեն, Միքայել Սրբազանն արձագանքեց. «Ինձ համար մեկ է։ Մենք այս աշխարհում հոգևորականներս ապրում ենք իբրև աքսորյալ, հիմա բանտում կլինի բանտից դուրս կլինի, ամեն տեղ էլ մեզ համար բանտ է։ Բայց որտե՞ղ է, որ Աստված մոտիկ չէ, ամեն օր Աստված մոտիկ է։ Ես որևիցե բանից չեմ վախենում»։