Սոլովյովի ռուսական դեմագոգիան
«Ռոսիա 1» հեռուստաալիքի եթերում ռուս հաղորդավար Վլադիմիր Սոլովյովը պատմել է իր ` նախկինում ունեցած ցանկությունների մասին, որոնցից մեկն էլ եղել է այն, որ ցանկացել է երեխաներին ուղարկել Սիրիա, իսկ ինքը ՝ մասնակցել Աֆղանստանում ռազմական գործողություններին: Այս մասին փոխանցում է «Մոսկովսկի Կոմսոմոլեցը»՝ ներկայացնելով հատված հարցազրույցից, այնուհետև գրել նաև համացանցի օգտատերերի բացասական արձագանքի մասին: Վլադիմիր Սոլովյովը կարծիք է հայտնել, որ խորհրդային զորքերն Աֆղանստանից հանելը սխալ էր։ Ինչպես ասել է՝ անգամ պատրաստ է եղել իր որդուն ուղարկել Սիրիա կռվելու: Սակայն նրա այս հայտարարությունը ոչ բոլորն են ընդունել, ավելին ՝ այն դարձել է բազմաթիվ օգտատերերի քննարկման առիթ: Մասնավորապես՝ նրանցից ոմանք հեգնել են հաղորդավարին ՝գրելով, որ եթե ցանկանում էր Սիրիա ուղարկել, ապա ինչու է ուղարկել Լոնդոն սովորելու: Օգտատերերից մեկն էլ գրել է. «Սոլովյովը միակը չէ ռուսական էլիտայում: Բարձրաստիճան շատ պաշտոնյաների, ովքեր հայտնի են հակաարեւմտյան հռետորաբանությամբ, զավակները կամ սովորում են Արեւմուտքի կրթական հաստատություններում, կամ ընդհանրապես ապրում են այնտեղ»:
Հետևեք մեզ Viber-ում
