Քաղաքական հաշվարկները բոլորն արված են մանրակրկիտ, մենք դրա մասին բոլորս նախօրոք գիտեինք. Ախոյան
«Արևմտահայոց Ազգային Համագումար» կազմակերպության հիմնադիր անդամ Արագած Ախոյանը «Հայելի» ակումբում լրագրողների հետ հանդիպմանը նշեց, որ ոչ մի արտառոց բան չկա նրանում, որ Արցախ այցելած չորս թուրք մտավորականների դեմ հետաքննություն է սկսվելու:«Բոլորը հասկանում են, որ հայ-թուրքական հարաբերությունները պետք չէ կապել 3-րդ երկրների հարաբերությունների հետ: Այնպես որ, մենք պետք է ինքներս աշխատենք ու ամեն ինչ անենք նման միջոցառումներով ու ձևերով խնդիրը բարձրացնելու համար»: Ինչպես տեղեկացրեց՝ սկզբից էլ այդ չորս մտավորականները տեղյակ են եղել հնարավոր հետևանքների մասին, նշեց, որ նրանց այցը շուրջ մեկ տարի պլանավորվում էր. «Ոչ մի արտառոց բան չկա. դեռ կատակով ասացի, եղբա՛յր, եթե զգաք, որ ձեզ վտանգ է սպառնում, ասեք, ես էլ գամ, ձեր կողքը նստեմ: Երբեք ոչ մի իրեն հարգող պետություն իր քաղաքացիներին չի արտահանձնի մեկ այլ պետության, եթե քրեական լուրջ հանցագործություն չի կատարում: Քաղաքական հաշվարկները բոլորն արված են մանրակրկիտ, մենք դրա մասին բոլորս նախօրոք գիտեինք ու մտածել էինք»:
Հետևեք մեզ Viber-ում
