Ռուսաստանում կինը մկնդեղով թունավորել է երեխաներին

Ռուսաստանի Սվերդլովսկի շրջանի Մալիշևա գյուղում ապրող 38-ամյա Ելենա Կորդյուկովան մեղադրվում է իր երկու երեխաների մահվան և մյուսի նկատմամբ սպանության փորձ կատարելու մեջ, գրում է Lenta.ru-ն: Դատական նիստում մեղադրող դատախազը միջնորդել է դատապարտել կնոջը 20 տարվա ազատազրկման: Կորդյուկովան կալանավորվել էր դեռ 2015-ին այն բանից հետո, երբ բժիշկները նրա ութամյա որդուն փրկել էին մկնդեղով թունավորումից: Քննությամբ պարզվել է, որ կինը պարբերաբար երեխային տվել է «Վարֆարին» դեղամիջոցը, որի մեջ պարունակվում է մկնդեղ: Միաժամանակ, քննությունը նաև պարզել է, որ մինչ այդ, կնոջ երկու երեխաներն են մահացել մեկը մյուսի հետևից: Քրեական գործի շրջանակներում կատարված արտաշիրիմման արդյունքում պարզվել է, որ երկու երեխաները թունավորված են եղել մկնդեղով: երեխաների մոտ հայտնաբերվել է  ատիպիկ հեմոլիտիկ սինդրոմ, որը ի ծնե հիվանդություն է և վտանգ է ներկայացնում կյանքի համար: Մայրն էլ պարզաբանել է, թե չի կարողացել այլևս պահել հիվանդ երեխաներին: