Էրդողանը սպառնում է Հայաստանին
Թուրքիայի նախագահ Ռեջեփ Թայիփ Էրդողանը սպառնացել է Հայաստանին՝ երկրի իշխող «Արդարություն և զարգացում» կուսակցության համաժողովի ժամանակ, գրում է թուրքական Haberler լրատվամիջոցը: «Հայկական սփյուռքի ճնշման տակ պաշտոնական Երևանը շարունակում է փակ պահել Թուրքիայի հետ բարեկամության դռները: Արդյունքում՝ Հայաստանը դուրս է մղված տարածաշրջանում տրանսպորտային, առևտրային և էներգետիկ նախագծերից: Եվ ավելին, այն շարունակում է մնալ և մնալու է մեկուսացման մեջ»,- ասել է նա: Նա օրինակ է բերել Վրաստանին, որը դարձել է մի կողմից Թուրքիայի և Արևմուտքի, մյուս կողմից՝ Կովկասի տարածաշրջանի և Միջին Ասիայի միջև կամուրջ և սպառնացել, որ քանի դեռ Հայաստանը շարունակում է իրեն պահել այսօրվա քաղակականության պես, ապա երկիրը դուրս կմղվի տարածաշրջանային տնտեսական նախագծերից: «Այս երկու օրինակները շատ ցուցադրական են: Մեզ հետ բարեկամություն անողը ձեռք է բերում, իսկ ոխ պահողը՝ կորցնում»,- ընդգծել է Թուքիայի նախագահը:
Հետևեք մեզ Viber-ում
