Մեր դաշնակից երկրի դեմ մեծ պատերազմ է, ԱՄՆ ներգրավվածությամբ այն ստանում է բոլորովին այլ մասշտաբ
Թյուրքագետ Վարուժան Գեղամյանը գրում է․
«Հավանաբար արդեն կարդացել եք օրվա գլխավոր լուրը. ԱՄՆ գիշերը հարվածել է Իրանին:
Թեև ամերիկյան հարվածները այս պահի դրությամբ կարծես թե առավելապես խորհրդանշական են, սակայն անհերքելի է մնում այն փաստը, որ մեր հարևանությամբ, ավելին` մեր հարևան ու դաշնակից երկրի դեմ մեծ պատերազմ է: ԱՄՆ ներգրավվածությամբ այն ստանում է բոլորովին այլ` աննախադեպ մեծ մասշտաբներ և ունակ է վերածվել ընդհուպ մինչև միջուկայինի:
Էդ ամենը` մեր սահմաններին, մեզ համար անխուսափելի ազդեցությամբ: Կարծում եմ ավելորդ է ասել, որ մեր երկիրը փաստացի կառավարողները որևէ կերպ մեր պետությունը չեն պատրաստում այս ամենին: Հակառակը` շարունակում են այնպիսի գործողություններ, որոնք քայքայում են մեր դիմադրողականությունը:
Ազգային իշխանության վերականգնումը կարևոր է, որպեսզի մենք պատրաստ լինենք Իրանի շուրջ տեղի ունեցող զարգացումների նման այլ գործընթացների, որոնք անխուսափելիորեն միշտ լինելու են, ընդ որում` աստիճանաբար ամբողջ աշխարհում, այլ ոչ թե միայն Մերձավոր Արևելքում»:
Հետևեք մեզ Viber-ում
