Չի բացառվում, որ Ադրբեջանն ու Թուրքիան կփորձեն մեզ պարտադրել Զանգեզուրի միջանցքը. իրանցի փորձագետ

Հայ-թուրքական հարաբերությունների կարգավորման գործընթացը վաղուց՝ 1990-ական թվականներից ի վեր հայ-ադրբեջանական հակամարտության պատանդն է դարձել։ Դրա մասին NEWS.am-ի թղթակցի հետ զրույցում շեշտել է թուրքագետ Անդրանիկ Իսպիրյանը։

«Դա ակնհայտ էր նաև հայ-թուրքական հարաբերությունների կարգավորման առաջին փորձի ժամանակ, երբ Ադրբեջանին հաջողվեց ապահովել դրա ձախողումը։ Նույնիսկ հիմա Էրդողանը ուղղակիորեն չի կարգավորի հայ-թուրքական հարաբերություններն առանց Ադրբեջանի համաձայնության։ Ահա թե ինչի հետ է կապված Ալիևի այցը Թուրքիա՝ Փաշինյանի այս երկիր այցի նախօրեին», -նշել է նա։

Ըստ թուրքագետի՝ Անկարայի համար Բաքվի հետ հարաբերություններն ավելի արժեքավոր են, քան Երևանի հետ հարաբերությունների կարգավորումը։

Փորձագետը հավելել է, որ Էրդողանը Ալիևին հրավիրել է քննարկելու, որ Փաշինյանի հետ հանդիպումից հետո որոշակի առաջընթացի մասին հայտարարվի, որպեսզի այն դատարկ չթվա։ «Ամեն դեպքում, ամեն ինչ կհամաձայնեցվի Ալիևի հետ, -ընդգծել է Իսպիրյանը։ Միաժամանակ, հայ-թուրքական հարաբերությունների կարգավորման գործընթացում իրական առաջընթաց չի գրանցվել, նշել է թուրքագետը։

Անկարայի պահանջներն անսահմանափակ են, բայց դրանց բավարարումը կախված է Երևանի դիրքորոշումից, կարծում է նա։ Փորձագետը չի բացառել, որ հաշվի առնելով Իրանի ուշադրությունն Իսրայելի հետ պատերազմի վրա շեղված լինելը, Էրդողանը կարող է ճնշում գործադրել Փաշինյանի վրա՝ Հայաստանով անցնող միջանցքի հարցում զիջումների գնալու համար։

Նա զարմանալի է անվանել ՝ Թուրքիայի հետ սահմանի բացմանը հասնելու Երևանի բուռն ցանկությունը, քանի որ դրանից շահողն, առաջին հերթին, Անկարան է։