Վրաստանում մուսուլմանների և քրիստոնյաների միջեւ զանգվածային ծեծկռտուք է տեղի ունեցել

Վրաստանի Ադիգենիի շրջկենտրոնում տեղի քրիստոնյա և մուսուլման վրացիների միջև զանգվածային ծեծկռտուք է տեղի ունեցել, կան տուժածներ. հայտնում է apsny.ge-ն: Մոտ 30 տարի առաջ Ադիգենի մի քանի տասնյակ մուսուլման  ընտանիք էր տեղափոխվել Աջարիայից.  նրանց տները սողանքի հետևանքով քանդվել էին։ Խնդիրն առաջացել էր վերջերս՝ այն բանից հետո, երբ կրոնի հարցերով պետական գործակալության ներկայացուցիչները տեղացի մուսուլմաններին թույլ էին տվել առանձին գերեզմանատուն ունենալ։ Որոշումը ուղղափառների բողոքն է առաջացրել։ Նրանք լրագրողներին հայտնել էին, որ դրանից հետո մուսուլմանները կպահանջեն մզկիթներ  կառուցել, հետո կարող են առհասարակ ուղղափառներին դուրս վռնդել Ադիգենիից, քանի որ վերջին 3 տարում մեկ ուղղափառ նորածին երեխայի դիմաց ծնվում է 3 մուսուլման երեխա։