Ադրբեջանն ու Թուրքիան գործ են հարուցել Արցախ այցելած թուք մտավորականների նկատմամբ
Ադրբեջանում գտնվող Թուրքիայի արտգործ նախարար Մեվլութ Չավուշօղլուն, լրագրողների հետ զրույցում խոսել է այն 4 թուք մնտավորականների մասին, որոնք սեպտեմբերի 22-ին ճանաչողական այցով մեկնել էին Արցախ: Նշենք, որ Ադրբեջանի դատախազությունը Արցախ այցելած Թուրքիայի կանաչների եւ ձախակողմյանների կուսակցության հիմնադիր անդամ, «Անկարայի մտքի հարթակ» ՀԿ ղեկավար Ուֆուք Ուրասին, գրող-հրապարակախոս Սայիդ Չեթինօղլիին, լրագողներ Ալի Բայրամօղլիին եւ Էրոլ Քաթըրջիօղլիին կալանավորելու որոշում է կայացրել եւ նրանց նկատմամբ հայտարարել միջազգային հետախուզում: «Էրմենիհաբեր»-ը, հղում անելով թուրքական «Հաբերլեր» կայքին, փոխացում է, որ Չավուշօղլին հայտնել է, որ Անկարան մտահոգ է, որ այս անձինք առանց Ադրբեջանի արտոնությունն ունենալու եւ առանց տեղյակ պահելու թուրքական իշխանություններին, մեկնել են Արցախ: «Անօրնական կերպով Ադրբեջանի տարածքը ներխուժելն համարվում է հանցանք, մանավանդ եթե հաշվի առնենք, թե որքան զգայուն հարց է ղարաբաղյան հիմնախնդիրը, երբ հարակից 7 բնակավայրերը գրավման մեջ են: Ահա թե ինչու Ադրբեջանից բացի մենք եւս հետաքննություն ենք սկսել Ղարաբաղ մեկնած այս անձանց նկատմամբ: Նրանք արդեն հրավիրված են դատարան` ցուցմունք տալու ու հայտնել են, որ չեն գիտակցել, որ հանցանք են գործում, բայց դրա համար պետք է բացատրություններ տալ ադրբեջանական իշխանություններին: Թեպետ այդ գործիչներն Արցախում պաշտպանել են ադրբեջանական տեսակետները, սակայն այնտեղ մուտք գործելն արդեն իսկ հանցանք է»,-ասել է Չավուշօղլին: Ի դեպ, թուք մտավորականները նամակով դիմել են Բաքվին ու հայտնել, որ չեն գիտակցել հանցանքի փաստը: «Արդեն իրավական գործընթաց է սկսվել: Սա դաս կլինի բոլոր նրանց համար, ովքեր հետագայում կցանկանան առանց թույլտվության այցելել Արցախ` Ադրբեջանի տարածք»,-եզրափակել է Թուրքիայի արտգործ նախարարը:
Հետևեք մեզ Viber-ում
