«Չես հասկանում՝ Նիկոլ Փաշինյանը բլոգե՞ր է, թե՞ վարչապետ». Արթուր Վանեցյան
«Մեր եկեղեցին չի կարող դառնալ թիրախի առարկա, չի կարող և վերջ, երկրի ղեկավար կլինի, սովորական ինչ-որ մեկը կլինի, հարցեր կա` դիմեք եկեղեցուն, հրապարակային չեն դիմում, ձև կա դիմելու»։ Այս մասին Պետրոս Ղազարյանի հետ հարցազրույցում ասաց «Հայրենիք» կուսակցության նախագահ Արթուր Վանեցյանը։
«Իսկ ով է դիմել այդ հարցով և պատասխան չի ստացել: Ձևը դիմելու` այդպես չէ: Չես հասկանում՝ Նիկոլ Փաշինյանը բլոգե՞ր է, թե՞ վարչապետ։ Ամեն առավոտ մի գրառում է անում՝ ինչ-որ մեղադրանքներ, սպառնալիքներ, շանտաժ։ Եթե իրոք այդքան մտածում է եկեղեցու մասին, դրա ձևը կա․ մի նամակ է գրում Եկեղեցական խորհրդին ու ասում՝ այսպիսի խնդիր կա, խնդրում եմ՝ այդ հարցը լուծեք։ Այն, ինչ անում է Նիկոլ Փաշինյանը, ուղիղ սահմանադրական կարգի տապալում է։ Նիկոլ Փաշինյանի գործողությունների մեջ կա սահմանադրական կարգի տապալման հանցակազմ»,- ասաց Վանեցյանը:
Հետևեք մեզ Viber-ում
