Համահայկական հիմնադրամից գողացած փողերն ու Փաշինյանը (video)
Կառավարության այսօրվա նիստում Նիկոլ Փաշինյանը կրկին անդրադարձավ ընդդիմությանը՝ ևս մեկ անգամ չզլանալով նրանց անվանել «կաշառակերներ»։
«Ընդդիմության շարքերից էլի խոսում են, որ «Հայաստան» համահայկական հիմնադրամի միջոցներից յուրացվել են, գողացվել են, ուզում եմ հիշեցնել, որ Աժ-ում քննիչ հանձնաժողով էր ձևավորվել ու հանձնաժողովը ղեկավարում էր ընդդիմության ներկայացուցիչը, պետք է արձանագրել՝ ո՞ւր է եզրակացությունը։ Էլի դուրս են գալիս, տակից-գլխից խոսում են որոշ կաշառակերներ, չասենք՝ ում մասին է խոսքը, չնայած, բոլորս էլ հասկացանք՝ խոսքը Ռոբերտ Քոչարյանի մասին է։ Արծվիկ Մինասյանը չէ՞ր հանձնաժողովի ղեկավարը, բա ո՞ւր է զեկույցը, թող գրեն, ստորագրեն, որ գողացվել է, մենք էլ կիմանանք՝ ինչ անենք, սիրուն կդիմենք դատարան ու նրանց կստիպենք հակառակը պնդել»,- ասաց նա։
Նիկոլ Փաշինյանը հայտարարեց՝ «Հայաստան» խմբակցության պատգամավորը պետք է պատասխան տա՝ բա ի՞նչ եղավ, ո՞ւր է, ի՞նչ եզրակացություն ունեն։
Հետևեք մեզ Viber-ում
