Կաթվածահար իրավիճակ Մոսկվայի օդանավակայաններում

«Ինտերֆաքս» գործակալությունը հայտնում է ,որ  Մոսկվայում շաբաթ առավոտյան շարունակվում են ձյան առատ տեղումները, մոսկովյան օդանավակայաններում հետաձգված չվերթների թիվն ավելանում է.հետաձգվել է մոտ 100 չվերթ, 6-ը՝ չեղարկվել։ Առավել բարդ է իրավիճակը «Շերեմետևո»-ում, որտեղ հետաձգվել է 65 չվերթ, «Դոմոդեդովո»-ում հետաձգվել է 31 չվերթ, 5-ը՝ չեղարկվել, «Վնուկովո»-ում հետաձգվել է 9 չվերթ, 1-ը՝ չեղարկվել։ Ռուսական «Աերոֆլոտ» ավիաընկերությունն անբարենպաստ եղանակային պայմանների պատճառով արդեն չեղարկել է 20 ավիաչվերթ, որոնք պետք է դեկտեմբերի 2-ին ժամանեին կամ մեկնեին մոսկովյան «Շերեմետևո» օդանավակայանից։ «Շերեմետևո» օդանավակայանում աշխատանքային սահմանափակումների հետևանքների հետ կապված՝ «Աերոֆլոտ»-ը փոփոխությունններ է մտցնում դեկտեմբերի 2-ի չվացուցակում»,- ասվում էր հաղորդագրությունում։ Չեղարկվել են «Շերեմետևո»-ի և Կրասնոյարսկի, Դոնի Ռոստովի, Միներալնիե Վոդիի, Դյուսելդորֆի, Կրասնոդարի, Մալագայի, Մինսկի, Միլանի, Հռոմի ու Ստամբուլի միջև չվերթները։