Նիկոլը պատրաստվու՞մ է Վեհափառին վարկաբեկող կեղծ ձայնագրություններ տարածել

Հայ Առաքելական Սուրբ Եկեղեցին (ՀԱՍԵ), Վեհափառ Հայրապետի և սրբազանների գլխավորությամբ, չի դադարեցնում իր պայքարը Բաքվում պահվող հայ գերիների վերադարձի համար։ Հայտնի է, որ Վեհափառը ակտիվորեն օգտագործում է իր բացառիկ հարգանքը քրիստոնեական այլ եկեղեցիներում՝ այս խնդիրը պարբերաբար բարձրաձայնելու նպատակով։ Ռուսաստանյաց պատրիարքի հետ ակտիվ աշխատանքներն առաջին անգամ ի ցույց դրվեցին Վեհափառի ջանքերով և ռուս խաղաղապահների օգնությամբ շրջափակված Արցախ հումանիտար աջակցություն տեղափոխելու օրերին։ Վեհափառը մշտապես պատրիարք Կիրիլի ուշադրությանն է հրավիրում հայ գերիների հարցը։ Վերջերս Շվեյցարիայում Կաթողիկոսի նախաձեռնությամբ տեղի ունեցավ ուղղափառ և բողոքական եկեղեցիների մեծ համաժողով, նվիրված գերիների վերադարձին։ Անկախ Իլհամ Ալիևի ծախսած գումարների չափից՝ վաղ թե ուշ հայ գերիներին ազատ արձակելու կոչին կմիանա նաև Կաթոլիկ եկեղեցին։

Այս հսկայական աշխատանքը չէր կարող չնյարդայնացնել Իլհամ Ալիևին, ինչի վկայությունն է Կովկասի մահմեդականների առաջնորդ Փաշազադեի՝ Մայր Աթոռին ուղղված պահանջագիրը, որտեղ վերջինս հայկական եկեղեցիները ներկայացնում է որպես ալբանական և կոչ է անում այդ «պատմական ադրբեջանական հողերում» գտնվող եկեղեցիները «վերադարձնել Ադրբեջանին»։ Եկեղեցու վարկաբեկման արշավին միացել է նաև Նիկոլ–Աննա զույգը, որոնց լկտի հարցադրումներին Մայր Աթոռը չցանկացավ արձագանքել հրաժարվելով մտնել թուրքահաճո այդ դիսկուրսի մեջ։ Ալիև–Նիկոլ–Աննա եռյակը, սակայն, չի հանգստանում։

Սրբազաններից մեկը մեզ հետ զրույցում փոխանցեց, որ Հայաստանի անվտանգային ծառայություններում ունեցած իր աղբյուրների համաձայն՝ Նիկոլ Փաշինյանը նոր հարված է պատրաստում Հայ առաքելական եկեղեցու դեմ։

Օգտագործելով արհեստական բանականության հնարավորությունները՝ Նիկոլը պատրաստվում է հրապարակել իբր Վեհափառի և սրբազանների մասնակցությամբ կեղծ ձայնագրություններ, որոնք ուղղված կլինեն վերջիններիս բարի համբավը վարկաբեկելուն։ Ինչպես Քոչարյանի հայտնի կեղծ ձայնագրության դեպքում, այս ֆեյք նյութերն էլ հրապարակվելու են թուրքահաճո հայկական «լրատվական գործակալությունների» միջոցով։

Մեզ հետ զրույցում սրբազանը նշեց, որ Եկեղեցին քմծիծաղով է վերաբերվում նման մանր ու ողորմելի հնարքներին, որոնց հույսին մնացել են «դավաճանները»: Նա նաև փաստեց, որ այս հարձակումները, ինչպես նախորդ բոլոր ձախողված փորձերը, վկայում են Եկեղեցու անսասան հեղինակության մասին։ Ավելին, անկախ այս ամենից՝ Եկեղեցին ոչ մի վայրկյան չի դադարելու Հայաստանի և Արցախի ազգային շահերի սպասարկել