ԵԱՏՄ մտնելուց հետո էլ, որոշ բնագավառներին վնաս է հասցվել
Հայաստանի գինեգործների միության նախագահ Ավագ Հարությունյանի կարծիքով՝ ՀՀ-ԵՄ համաձայնագրով գլոբալ տնտեսական առումով ոչինչ չի փոխվել և չի փոխվելու գինեգործության և կոնյակագործության ոլորտներում: Այսօր լրագրողների հետ հանդիպման ընթացքում նա ասաց, որ մենք ԵՄ արտահանում էինք մեծամասամբ գինեգործական արտադրանք, և մինչև 2013թ. ունեինք որոշակի արտոնություններ ԵՄ շուկաներում: «Այստեղ շատ մեծ աշխարհաքաղաքական ենթատեքստեր կան, որոնց շրջանակներում հնարավոր է շատ մեծ ներդրումներ լինեն, բայց գինեգործությունը այն ասպարեզը չէ, որտեղ մեծ ներդրումների մասին խոսք լինի՝ հատկապես եվրոպական: Եվրոպացիները այստեղի գինեգործության մեջ ներդրում կատարում են այնքանով, որքանով որ բխում է իրենց շահերից՝ ֆրանսիական, գերմանական շահեր»,- ասաց Գինեգործների միության նախագահը։ Նրա խոսքով՝ մինչեւ ԵԱՏՄ մտնելը մեր հիմնական շուկան Ռուսաստանն էր եւ ԱՊՀ այլ երկրները. ոչինչ չի փոխվել: Չնայած ԵԱՏՄ մտնելուց հետո, որոշ բնագավառներին վնաս է հասցվել՝ օրինակ խցան կամ շիշ ներկրողներին, սակայն այս դեպքում էլ ավելացված գումարը փոխհատուցվում է լրացուցիչ արտոնություններով:
Հետևեք մեզ Viber-ում
