Լոնդոնի քաղաքապետը չի ուզում Թրամփին ընդունել
Լոնդոնի քաղաքապետ Սադիք Խանը հայտարարել է, որ չի ուզում, որ ԱՄՆ նախագահ Դոնալդ Թրամփն այցով Լոնդոն ժամանի Թրամփի հրապարակած հերթական սկանդալային թվիթերյան հաղորդագրությունից հետո: «Նախագահ Թրամփը Twitter-ն օգտագործել է ծայրահեղականների զզվելի խումբ գովազդելու համար, որը գոյություն ունի միայն մեր երկրում պառակտում և ատելություն սերմանելու համար: Հիմա ավելի ակնհայտ է, որ նախագահ Թրամփի ցանկացած պաշտոնական այց Մեծ Բրիտանիա չի ողջունվի:Ես ավելի վաղ երկրի վարչապետ Թերեզա Մեյին կոչ em արել հետ կանչել Թրամփի հրավերը:Մեր երկրի վարչապետը պետք է օգտագործի ամբողջ ազդեցությունը, որ ունեն ինքը և իր կառավարությունը Թրամփի և նրա վարչակազմի վրա՝ նրան խնդրելու համար ջնջել այդ թվիթները և ներողություն խնդրել Մեծ Բրիտանիայի քաղաքացիներից»,- հայտարարել է Խանը: Չորեքշաբթի առավոտյան Թրամփն իր էջում հակամուսուլմանական բովանդակության տեսանյութերի հղումներ է հրապարակել: Հոլովակները հրապարակել է բրիտանական Britain First ուլտրաաջ կազմակերպության առաջնորդներից մեկը: Երկու սյուժեներում, որոնց իսկությունը հայտնի չէ, ենթադրաբար, ներգաղթյալ մուսուլմանները հարձակվում են մարդկանց վրա, հոլովակներից մեկում կոտրում են Մարիամ Աստվածածնի արձանը:
Հետևեք մեզ Viber-ում
