Ռուսաստանում բենզինի եւ դիզվառելիքի ակցիզային հարկի դրույքաչափը բարձրացել է

Ռուսաստանի նախագահ Վլադիմիր Պուտինը օրենք է ստորագրել, որի համաձայն այս տարվա ապրիլի 1-ից մինչեւ տարեվերջ երկրում 2 ռուբլով բարձրացվելու է բենզինի եւ 1 ռուբլով դիզելային վառելիքի վրա կիրառվող ակցիզային հարկի դրույքաչափը: Այս մասին տեղկանում ենք Կրեմլի պաշտոնական կայքէջից: 1 տոննա բենզինի համար ակցիզային հարկը ներկայում կազմում է 7530 ռուբլի` 50 հազար դրամ, իսկ ապրիլի 1-ից հետո մինչեւ 2016թ-ի ավարտն այն կազմելու է 10.130 ռուբլի` 67 հազար 335 դրամ: Դիզելային վառելիքի 1 տոննայի համար գործող 4150 ռուբլի դրույքաչափի փոխարեն նշված ժամանակահատվածում գործելու է 5293 ռուբլի՝ 35 հազար 170 դրամ դրույքաչափ: