Քո ծննդյան 2-ամյակն անցավ առանց քեզ, իմ Տիգրանի 20-ամյակը՝ առանց Տիգրանիս․ Նարինե Գալստյան
Երկար ժամանակ չէի համարձակվում գրառում կատարել, այսօր ուժ հավաքեցի և տրամադրվեցի…
Շատ ափսոս,Տիգրան ջան, մեծ հույսեր ունեինք քո ողջ լինելու հետ կապված։ Անասելի ցավ եմ ապրում նույն իմ Տիգրանի նման։
Էնպես լավ եմ հասկանում Տիգրանի մայրիկին, քեզ հույսով սպասում էր 20 օր, ես իմ Տիգրանին՝ 63։ Ու գիտեմ,թե էդ անորոշ վիճակը ինչ աստիճանի խելագարության է հասցնում ծնողներին։
Քո ծննդյան 2-ամյակն անցավ առանց քեզ։Իմ Տիգրանի 20-ամյակը՝ առանց Տիգրանիս, ով դեռ համարվում էր անհետ կորած։ Ես էլ Տիգրանի մամայի նման գլխաշորը գլխիս եկեղեցիներում Աստծուց խնդրում էի՝ Տիգրանիս թեկուզ վիրավոր,բայց վերադարձը։Ոչինչ չեմ կարող ասել Տիգրանի մայրիկին, քանզի շատ լավ գիտեմ, որ ոչ ոքի ոչ մի բառն ու արարքը չի սփոփի ու թեթևացնի նրա վիշտը։
Ձեզ համբերություն, եղեք առողջ և ես համոզված եմ, որ ձեր ընտանիքում դեռ կծնվի փոքրիկ Տիգրան։
Այս մասին գրել է 44-օրյա պատերազմում զոհված Տիգրան Մելքոնյանի մայրը։
Հետևեք մեզ Viber-ում
