Որքա՞ն է վճարվել Մարզահամերգային համալիրին՝ հարսանեկան արարողության համար, հայտնի է պայմանագրի արժեքը
Իշխանամերձ շրջանակների հետ կապեր ունեցող Վիվարոյի Վիգենի, նույն ինքը՝ Վիգեն Բադալյանի եղբորորդու գերշքեղ հարսանիքն անցկացնելու համար Մարզահամերգային համալիրը տրամադրվել է 30 մլն դրամով։
«Իհարկե, պայմանագիր է կնքվել, առանց պամանագրի չէր կարող նման միջոցառում կազմակերպվել մարզահամերգային համալիրում, տնօրինության հետ կնքվել է վարձակալության պայմանագիր՝ 30 միլիոն դրամ արժողությամբ», - «Փաստինֆո»-ի հարցին ի պատասխան ասաց մարզահամերգային համալիրի տնօրեն Կարեն Ղազարյանը։
Նա հրաժարվեց պատասխանել այլ հարցերի՝ պատճառաբանելով, թե հանդիպման է։
Հիշեցնենք, որ «Վիվարոյի» սեփականատերերի գերդաստանում հարսանեկան այդ իրադարձությունը տեղի է ունեցել մայիսի 24-ին, ամուսնացել է Վիգեն Բադալյանի եղբոր՝ Վահե Բադալյանի, որդին` Ռոման Բադալյանը։ Ըստ տարածված տեղեկությունների՝ հյուրերի թիվը հասել է մոտը 1000-ի, հարսանիքը վարել են Գարիկ Մարտիրոսյանն ու Նազենի Հովհաննիսյանը, ելույթ են ունեցել Ձախ Հարութը, Արամեն, Ռազմիկ Ամյանը եւ այլ հայտնի երգիչներ, որոց կատարումներն ուղեկցվել են հետաքրքիր լուծումներով։
Նշենք, որ Մարզահամերգային համալիրը Բակ բաժնետիրական ընկերություն է, որին վերջերս կառավարության որոշմամբ իրավունք վերապահվեց կազմակերպել նաեւ տարբեր միջոցառումներ շոու –բիզնեսի ոլորտում։
Հետևեք մեզ Viber-ում
