Հայկական եկեղեցին մեծ վտանգ է ներկայացնում Հայաստանի հարևան բոլոր երկրներին․ Ադրբեջան
Փաստն այն է, որ հայկական կրոնական շրջանակները բնակություն են հաստատել Էջմիածնում՝ պատմական ադրբեջանական հողի վրա, որը նրանք անվանել են Էջմիածին, և իրենց կրոնական տաճարները կառուցել են իրենց հետ կապ չունեցող տարածքներում։ Այս մասին հայտարարել է Կովկասի մահմեդականների վարչության նախագահ շեյխուլիսլամ Ալլահշուքյուր Փաշազադեն, գրում է APA-ն:
Նա նշել է, որ Ղարաբաղում հիմնել են Արցախի թեմ, Ռուսաստանում՝ Նոր Նախիջևանի, որի անվանման մեջ Նախչըվանն է:
«Հայերի կրոնական կենտրոնի միակ նպատակը, որը քրիստոնեության պատմության մասին կեղծ նկատառումներով ներկայանում է բացառիկ համայնքի՝ աշխարհի առաջին քրիստոնյաների կողմից, եղել է «Մեծ Հայքի» նման հայկական ուտոպիային աջակցելը։ Ադրբեջանին դիմակայում է մի համայնք, որը բազմաթիվ կեղծիքների հաշվին յուրացնելով այլ ժողովուրդների հոգևոր-մշակութային ժառանգությունը, ամբողջ աշխարհով մեկ սփռում էր Էջմիածնի և Կիլիկիայի իր կրոնական կենտրոնների միջոցով ստերով ու զրպարտություններով լի ուղերձներ, որոնք հեռու էին խաղաղության, եղբայրության, խաղաղ հարևանության մասին քրիստոնեական կրոնի նախնական հաստատումից, որն անընդհատ քարոզում էր երկպառակություն, թշնամանք, ռևանշիզմ և առճակատում՝ հանուն իր ուտոպիական երազանքի իրականացման: Հայկական ստին հավատալու մեջ շահագրգռված պետություններն ու շրջանակները նրանց աջակցություն և օգնություն են ցուցաբերում այդ հարցում։ Սա է իրականությունը. աշխարհասփյուռ հայությունը, հենվելով հայոց ազգային եկեղեցու վրա, շարունակում է խաբել միջազգային հանրությանը իր պատմաքաղաքական երեսպաշտությամբ: Նրանց նպատակն այն է, որ եթե հայկական պետությունը կորցվի քաղաքական ոչ կոմպետենտության պատճառով, ապա Հայ ազգային եկեղեցին կարողանա շարունակել զորահավաքային կենտրոնի առաքելությունը, ստեղծել և ղեկավարել Վատիկանի նման Գրիգորյան կրոնական պետություն։ Այսպիսով, հայ եկեղեցին նենգ մտադրություն ունի այս կամ այն կերպ շարունակելու իր գոյությունը ադրբեջանական պատմական հողերում: Սա մեծ սպառնալիք է Հայաստանի հարևան տարածաշրջանի բոլոր երկրների համար», - ասել է նա։
Հետևեք մեզ Viber-ում
