Ում է բաժին հասնելու Ջիգարխանյանի ունեցվածքը ապահարզանից հետո

Վիտալինա Ցիմբալյուկ–Ռոմանովսկայայի ներկայացուցիչ Էլինա Մազուրը «Կոմսոմոլսկայա պրավդա»–ին հայտնել է,որ Արմեն Ջիգարխանյանն ապրելու տեղ չունի։ Եվ նրան իբր թե նվիրած բնակարանի մասին պատմություններն առասպել են։ «  Ցիմբալյուկի ամբողջ ունեցվածքը ձեռք է բերվել նախքան ամուսնությունը, եւ համատեղ ունեցվածքի մասին խոսք լինել չի կարող։Վերջերս նրա ընկերները հայտարարել էին, որ նրան բնակարան են նվիրել։ Ստացվում է, որ նա ապրելու տեղ ունի։ Հիմա, երբ նրանք ամուսնալուծվել են, ի՞նչ  հասցեով պետք է դուրս գրվի Արմեն Բորիսովիչն այն բնակարանից, որը գրանցված է Վիտալինայի անունով։ Այս հարցը ես տվեցի Ջիգարխանյանի փաստաբան Եվգենի Պարֆենովին եւ նրա բառերից հասկացա, որ ԽՍՀՄ ժողովրդական արտիստը հաշվառման հասցե չունի։ Հիմա նա պանսիոնատում բուժվում է։ Իսկ որտե՞ղ է նա ապրելու հետո»,– ասել է Մազուրը։ «Մենք վայրենիներ չենք։ Իհարկե, նրան դուրս չենք գրի։ Ավելին՝ Վիտալինան պատրաստ է ընդունել նրան՝ որպես այդ տան բնակչի: Արմեն Ջիգարխանյանն ապրելու տեղ չունի, եւ նրան իբր թե նվիրած բնակարանի մասին պատմություններն առասպել են»,– հավելել է Մազուրը։ Մոսկվայի Ստարոկոնյուշեննի նրբանցքում բնակարանի վաճառքից Ջիգարխանն իր բաժինը չի ստացել, ինչպես նաեւ ամուսնության ժամանակ Ջիգարխանյանի իրականացրած կոմերցիոն գործարքը, որից եկամուտի իր բաժինը չի ստացել Վիտալինան։ Այլ կերպ ասած՝ ամբողջ անշարժ գույքը գրանցված է Վիտալինայի անունով։ Բացի այդ, ռուսական լրատվամիջոցները հայտնում են, որ ապահարզանից քիչ առաջ Վիտալինան Ջիգարխանյանի հաշվից 4 մլն ռուբլի էր հանել։