Լիտվայի կառավարությունը Բելառուսի դեմ մայիսի 19-ին դատական հայց է ներկայացրել Միջազգային դատարան՝ պահանջելով պատասխանատվության ենթարկել բելառուսական ռեժիմին Լիտվա ներգաղթյալների մեծածավալ անօրինական ներմուծման կազմակերպման համար։ Գործը վերաբերում է պետությունների կողմից ցամաքային, ծովային և օդային ճանապարհներով ներգաղթյալների անօրինական փոխադրման դեմ ՄԱԿ-ի արձանագրությամբ ստանձնած պարտավորությունների խախտումներին։
2021 թվականից ի վեր Լիտվան բախվել է Բելառուսից անօրինական ներգաղթյալների հոսքի աննախադեպ աճի։ Լիտվական իշխանությունների հավաքած ապացույցները հաստատում են բելառուսական ռեժիմի անմիջական ներգրավվածությունը միգրացիոն հոսքերի կազմակերպման գործում. բելառուսական պետական ընկերությունները մեծացրել են Մերձավոր Արևելքից և այլ տարածաշրջաններից չվերթների քանակը, կազմակերպել են ժամանող ներգաղթյալներին վիզաների տրամադրումը և կացարանով ապահովումը։ Բելառուս ժամանելուն պես շատ ներգաղթյալներ բելառուսական անվտանգության ուժերի ուղեկցությամբ տարվել են մինչև Լիտվայի սահման և ստիպված են եղել անօրինական կերպով հատել այն՝ հաճախ վտանգավոր և կյանքին սպառնացող պայմաններում։
Համագործակցության բազմաթիվ խնդրանքներն անտեսելով՝ Բելառուսի սահմանային իշխանությունները հրաժարվել են Լիտվայի իշխանությունների հետ համագործակցելուց՝ սահմանային այս անօրինական անցումները կանխելու համար։ Լիտվան այս գործողությունները դիտարկում է որպես բելառուսական ռեժիմի կողմից ներգաղթյալներին որպես Լիտվայի և Եվրամիության վրա քաղաքական ճնշում գործադրելու միջոց օգտագործելու միտումնավոր փորձ՝ ի պատասխան բելառուսական ժողովրդավարությանը նրանց աջակցության և մարդու իրավունքների խախտումների համար սահմանված պատժամիջոցների։
Լիտվայի պահանջները ներառում են պատճառված վնասի լրիվ փոխհատուցում, մասնավորապես՝՝ պատի կառուցման ծախսերը, և երաշխիքներ, որ միջազգային իրավունքը խախտող գործողությունները չեն կրկնվի։
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
