Ինչ է տեղի ունեցել երեկ Էրդողանի և Մակրոնի միջև․ ինչու էր բռնել մատը
Թուրքիայի նախագահ Ռեջեփ Թայիփ Էրդողանը Եվրոպական քաղաքական համայնքի գագաթնաժողովում բռնել է Ֆրանսիայի նախագահ Էմանուել Մակրոնի մատը և բաց չի թողել, այս մասին X սոցիալական ցանցում նշել է թուրք լրագրող Իբրահիմ Հասկոլօղլուն։
«Մակրոնի կողմից Էրդողանի ձեռքին ձեռքը դնելուց հետո, Թուրքիայի նախագահը բաց չթողեց Ֆրանսիայի առաջնորդի մատը», - գրել է Հասկոլօղլուն։
Նախագահների հետ դրվագը նկարահանվել է տեսախցիկներով Ալբանիայի մայրաքաղաք Տիրանայում կայացած Եվրոպական քաղաքական համայնքի հանդիպման ժամանակ։ Մակրոնը մոտեցել է սեղանի շուրջ նստած Էրդողանին, ձեռքը դրել թուրք առաջնորդի ձեռքին, և սկսվել զրույց, որի բովանդակությունը ձայնագրության մեջ լսելի չէ։
Էրդողանը անմիջապես հեռացրել է ձեռքը, բայց բռնել Մակրոնի երկու մատները։ Ֆրանսիայի նախագահը կարողացել է ազատել մեկ մատը Էրդողանի բռնվածքից, սակայն թուրք առաջնորդը Մակրոնի մյուս մատը պահել է առնվազն ևս տասը վայրկյան՝ ժպտալով և տեղից վեր չկենալով։
«Ենի Շաֆակ» թերթն էլ գրել է, որ Ֆրանսիայի առաջնորդը այս արարքով փորձել է հոգեբանական գերիշխանություն հաստատել թուրք առաջնորդի նկատմամբ։
Հետևեք մեզ Viber-ում
