Էրդողանը հայտարարել է Սև ծովում գազի հանքավայրի հայտնաբերման մասին

Թուրքիայի նախագահ Ռեջեփ Թայիփ Էրդողանը շաբաթ օրը հայտարարեց Սև ծովում գազի հանքավայրի հայտնաբերման մասին, որի պաշարները կազմում են 75 միլիարդ խորանարդ մետր։

«Գյոքթեփե-3 հանքավայրում երեկ, 49 օր տևած հորատումից և փորձարկումից հետո, մենք լավ լուր ստացանք. մենք հայտնաբերեցինք 75 միլիարդ խորանարդ մետր գազի պաշարներ: Այս ծավալը բավարար է մեր բնակարանները (ամբողջ Թուրքիայի տարածքում - խմբ.) երեքուկես տարի մատակարարելու համար: Պաշարների արժեքը գնահատվում է 30 միլիարդ դոլար», - ասել է Էրդողանը Ստամբուլում ելույթ ունենալիս:

Թուրքիայի ղեկավարի խոսքով՝ Սև ծովի գազային հանքավայրերը ներկայումս գազ են մատակարարում չորս միլիոն բնակարանների՝ 9,5 միլիարդ խորանարդ մետր գազով։ Մինչև 2028 թվականը այդ թիվը նախատեսվում է քառապատկել, ասել է Էրդողանը։