«Եթե հետագայում ինչ-որ բան լինի ձեր աղջկա հետ, ապա պատասխանատուն լինելու եք դուք». Մելիտա Հակոբյան

Հայաստանի սպառողների ազգային ակադեմիայի նախագահ Մելիտա Հակոբյանն այսօր Հայելի ակումբում ասաց, որ ամբողջ աշխարհում գիտնականները կանգնում են ժողովրդի կողքին, իսկ Հայաստանում հակառակն է: Այնուհետև պատմեց, թե ինչպես էին նախկինում պատվաստանյութեր օգտագործում. «Մենք անում էինք պատվաստումներ, բայց այն ժամանակվա պատվաստանյութերը հազար ձևի ակրոբացիայի ենթարկված, ճագարների, ծովախոզուկների, մկների վրա հազար ու մի ձևի փորձարկումներ էր կատարվում, տարիներ անց նոր մտնում էր օգտագործման մեջ։ Ես երեկ զանգեցի մեր Ստավրոպոլի փորձագետներին, և ասացին, որ այնտեղ մանկատներում են «Գարդասիլը» փորձարկում, դա խայտառակություն է»: Նրա խոսքով՝այս պահին դեղերի շուկայում իրավիճակն այնպիսին է, որ առևտուր են անում մարդկանց կյանքի հաշվին. «Սիրելի հայրեր և մայրեր, եթե ուզում եք պատվաստել ձեր երեխային, ապա տարեք և պատվաստեք, դա կամավոր սկզբունքով է, դուք կարող եք և հրաժարվել։ Եթե պատվաստեք, հիշեք, որ, եթե հետագայում ինչ-որ բան լինի ձեր աղջկա հետ, ապա պատասխանատուն լինելու եք դուք։ Պարզապես տարին երկու անգամ ձեր երեխային տարեք ստուգման, հատուկ ստուգման ձևեր կան: Ամբողջ դեղեր արտադրող գիգանտների շահույթն արդեն մի քանի անգամ գերազանցում է նարկոբիզնեսից ստացվող եկամուտը։ Այնպես որ, սա ուղղակի բիզնես է, և երրորդ երկրների վրա են դա կատարում»։