Պարոն Աշոտյան, դուք ամենևին միամիտ չեք․ Արարատ Միրզոյան
ԱԺ Արտաքին հարաբերությունների մշտական հանձնաժողովում «Հայաստանի Հանրապետության մասով Եվրասիական Տնտեսական Միության պայմանագրի գործողությունը դադարեցնելու գործընթաց սկսելու վերաբերյալ» հայտարարության նախագծի քննարկման ժամանակ «Ելք» խմբակցության պատգամավոր Արարատ Միրզոյանը հայտարարել է, որ եթե ԵՏՄ-ի դուրս գալը կապված է Ռուսաստանի հետ, ապա հենց Ռուսաստանն է առատորեն զենք մատակարարում մեր հակառակաորդին։ «Ասում են, բա ԵՄ-ն սենց, բա ԵՄ-ն «քըխ» է, հիմա էլ ասում են՝ տեսա՞ք, ԵՄ-ի հետ էլ վատ չենք: Եղբայր, մենք ԵՄ-ից չենք խոսում: Երբ ասում եք, որ, լինելով ԵՏՄ անդամ, ԵՄ-ի հետ էլ համագործակցությունը հնարավոր է, մենք չենք քննարկում ԵՄ-ի հետ համագործակցությունը, այլ ասում ենք, որ ԵՏՄ-ն մեր տնտեսական շահերին վնասում է։ Վնասում է, քանի որ Վրաստանի և Իրանի հետ հարաբերությունները չենք կարողանում զարգացնել: Ես լավատես չեմ պարոն Զեյնալյանի պես, չեմ հավատում, որ վերապահումով կողմ կքվեարկեք։ Ավելին, չեմ կարծում, որ պարոն Աշոտյանը միամիտ է, ասեմ այլ բան՝ պարոն Աշոտյան, դուք ամենևին միամիտ չեք»,- ասաց նա:
Հետևեք մեզ Viber-ում
