«Այս բարբաջանքը չեմ ուզում լսել». Արայիկ Խանդոյանը դատավորին խնդրեց իրեն հեռացնել դահլիճից
Ավան եւ Նոր Նորք վարչական շրջանների ընդհանուր իրավասության դատարանումմ դատավոր Մեսրոպ Մակյանի նախագահությամբ շարունակվում է «Սասնա ծռեր» խմբի 11 անդամների գործով դատական նիստը: Գործի անջատված մասով անցնում են Պավել Մանուկյանը Վարուժան Ավետիսյանը, Մխիթար Ավետիսյանը, Արայիկ Խանդոյանը, Գագիկ Եղիազարյանը, Արմեն Բիլյանը, Արեգ Կյուրեղյանը, Սմբատ Բարսեղյանը, Սեդրակ Նազարյանը եւ Էդվարդ Գրիգորյանը: Առաջինը Պավել Մանուկյանի մեղադրական եզրակացության հերթն էր, որի ընթացքում Արայիկ Խանդոյանը որոշեց լքել նիստերի դահլիճը. «Այս բարբաջանքը չեմ ուզում լսել»։ Դատավոր Մեսրոպ Մակյանը սակայն ասաց, որ սանկցիա կիրառելու մտադրություն չունի, եւ խնդրեց համբերությամբ զինվել: «Դատավորը զինվելու կոչ է անում»,- կատակեց Գագիկ Եղիազարյանը, «մենք դասից փախնում ենք»,- իր հերթին ասաց Պավել Մանուկյանը: Այնումենայնիվ դատավոր Մեսրոպ Մակյանը ըստ էության «ընդառաջեց» ու սանկցիաա կիրառեց Խանդոյանի նկատմամբ՝ նրան 3 ժամով հեռացնելով նիստերի դահլիճից:
Հետևեք մեզ Viber-ում
