Գագիկ Սուրենյանը՝ձմռան ամենաբարձր և ամենացածր ջերմաստիճանի մասին
«Ձմռան համար բավականին բազմազան պատկեր է ստացվե: Ե՛վ դեկտեմբերը, և՛ հունվարը, և՛ փետրվարը՝ ջերամաստիճանը և տեղումների քանակը լինելու են նորմայի սահմաններում: Այդ ամիսներին լինելու է մթնոլորտի ակտիվ շրջանառություն, այսինքն՝ լինելու են ժամանակահատվածներ, որ լինելու ենք ցուրտ հոսանքների ազդեցության տակ, և լինելու են ժամանակահատվածներ, որ լինելու ենք տաք օդային հոսանքների ազդեցության տակ»,- լրագրողների հետ հանդիպմանը հայտարարեց ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը : Ձմռան ընթացքում օդի ջերմաստիճանը Երևանում ամենատաք օրերին լինելու է +8-10 աստիճան, իսկ ամենացուրտ օրերին՝ -20-22: Տեղումների քանակը լինելու է նորմայի սահմաններում, տեղումների պակաս չենք ունենալու:Այսօր և վաղը Հայաստանի մի շարք շրջաններում շարունակվելու են տեղումները, վաղը կեսօրից հետո ցիկլոնը դուրս կգա ՀՀ տարածքից, տեղումները կդադարեն, իսկ դեկտեմբերի 1-5-ը կլինի առանց տեղումների եղանակ: Եղանակի տատանումներ այդ օրերին չեն սպասվում: Դեկտեմբերի առաջին հինգ օրերին ցրտեր, առատ տեղումներ ՀՀ տարածքում չեն կանխատեսվում,ասաց նա:
Հետևեք մեզ Viber-ում
