Նույն մեքենան՝ միայն տարբեր վարորդներով

Նախկինում շատերն էին ասում. «Եթե կին պաշտոնյա լիներ, ամեն ինչ կփոխվեր։ Այս երկրին կնոջ ձեռք է պետք, որ հանցագործությունները նվազեն»։

Իսկ այսօր, փաստորեն, իրավապահ համակարգի մի զգալի մասը կանանց ղեկավարության տակ է։ ՄԻՊ-ն էլ կին է։ Բայց հենց հիմա, այս նույն օրերին, ոստիկանությունում մերկացնում են կին լրագրողի, իբր զննում են։

Սա հեգնանք չէ։ Սա հարված է այն միամտությանը, թե սեռը կարող է երաշխիք լինել բարության։ Իրականությունն անողոք է․ մարդն է ընտրում՝ լինել լույսի՞, թե՞ ստվերի կողմում։ Եվ այդ ընտրությունը կապ չունի՝ կին է, թե տղամարդ։ Եթե իշխանությունն օգտագործվում է ոչ թե ծառայելու, այլ հպատակեցնելու համար, եթե մարդու նպատակը իշխանության պահպանումն է, ոչ թե հասարակության բարօրությունը, ապա այդ մարդը դառնում է համակարգի գործիք՝ , սառնասիրտ ու հրեշավոր։

Եվ քանի դեռ մենք շարունակում ենք մարդուն գնահատել ըստ սեռի, այլ ոչ թե ըստ արժեքների ու արարքների, այդքան ժամանակ փոփոխություն չի լինելու։ Նույն մեքենան՝ միայն տարբեր վարորդներով։

«Մայր Հայաստան» շարժման նախաձեռնող խմբի անդամ Բորիս Մուրազիի ֆեյսբուքյան էջից