Արևմտյան առաջնորդները խորհուրդ են տվել Կիևին ընդունել Պուտինի առաջարկը. ԶԼՄ-ներ

Ֆրանսիայի, Գերմանիայի, Մեծ Բրիտանիայի և Լեհաստանի ղեկավարները հորդորել են Ուկրաինայի նախագահ Վլադիմիր Զելենսկուն ընդունել Ռուսաստանի նախագահ Վլադիմիր Պուտինի առաջարկը՝ սկսել ուղիղ բանակցություններ առանց նախապայմանների։ Այդ մասին հաղորդում է ֆրանսիական Le Monde թերթը՝ վկայակոչելով սեփական աղբյուրները։

Համաձայն հրապարակման՝ շաբաթ օրը Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քիր Սթարմերը և Լեհաստանի վարչապետ Դոնալդ Տուսկը ժամանել են Կիև՝ մասնակցելու «ցանկություն ունեցողների կոալիցիայի» հանդիպմանը։

Le Monde-ի տեղեկություններով՝ Կիևից վերադառնալուց հետո չորս առաջնորդները կրկին խորհրդակցել են՝ Պուտինի՝ բանակցությունների առաջարկից հետո։

«Նրանք... խորհուրդ են տվել Վլադիմիր Զելենսկուն օգտագործել Կրեմլի առաջարկած հնարավորությունը», – նշվում է թերթի հրապարակման մեջ։

Հիշեցնենք, որ Վլադիմիր Պուտինը վերջերս հանդես է եկել առաջարկով՝ սկսել ուղիղ բանակցություններ Ուկրաինայի հետ՝ առանց նախապայմանների։ Քաղաքական վերլուծաբանների գնահատմամբ՝ սա կարող է նշան լինել նոր դիվանագիտական գործընթաց սկսելու հնարավորության։