Պակիստանը հարձակվել է հնդկական ռազմաբազաների վրա
Հնդկաստանի Ջամմուի, Պատհանկոտի և Ուդհամպուրի ռազմական բազաները ենթարկվել են հրթիռների և անօդաչու թռչող սարքերի կիրառմամբ հարձակման, սակայն զոհեր չկան, հայտնել է Հնդկաստանի համատեղ պաշտպանության շտաբը սոցիալական ցանցերում։
«Ջամմուի և Քաշմիրի միջազգային սահմանի մոտ գտնվող Ջամմուի, Պատհանկոտի և Ուդհամպուրի ռազմական բազաները ենթարկվել են Պակիստանի կողմից հրթիռների և անօդաչու թռչող սարքերի միջոցով հարձակման: Զոհեր չկան: Սպառնալիքը չեզոքացվել է Հնդկաստանի զինված ուժերի կողմից», - ասվում է հայտարարության մեջ:
Մայիսի 7-ի գիշերը Հնդկաստանի պաշտպանության նախարարությունը հայտարարել է, որ Փահալգամում տեղի ունեցած ահաբեկչական հարձակմանը ի պատասխան՝ իրականացրել է «Սինդուր» գործողությունը՝ հարվածներ հասցնելով Պակիստանի տարածքում գտնվող «ահաբեկչական ենթակառուցվածքներին»։ Գերատեսչությունը հայտարարել է, որ գործողության ընթացքում Պակիստանի որևէ ռազմական օբյեկտ հարձակման չի ենթարկվել։ Իր հերթին, Իսլամաբադը հակահարված է տվել։
Հետևեք մեզ Viber-ում
