Մենք լավ գիտենք, թե բուհերը քանի հազար դոլարով են թեկնածուական կամ դոկտորական թեզերը վաճառում. Գագիկ Մակարյան

Հայաստանի գործատուների հանրապետական միության նախագահ Գագիկ Մակարյանը «Մասնագիտական կրթության և ուսուցման ոլորտում ընթացող բարեփոխումներն ու օրենսդրական հիմնախնդիրները» թեմայով խորհրդարանական լսումների ժամանակ նշեց, որ ՀՀ-ի սոցիալ-աշխատանքային ցուցանիշները տարածաշրջանում շատ ցածր են, ունենք ցածր արտադրողականության և ցածր մրցունակության խնդիրներ, հավելյալ արժեք 3 ոլորտում է ստեղծվում` ՏՏ, ինժեներական և դեղագործական: Հակամենաշնորհային հանձնաժողովը պետք է զբաղվի պետական և մասնավոր ԲՈՒՀ-երի ոլորտով: ԲՈւՀ-երում ուռճացված հաստիքներ ունենք, միևնույն առարկան տարբեր դասախոսներ են դասավանդում: Մակարյանը շեշտեց՝ ինքը լավ գիտի, թե ԲՈՒՀ-երը քանի հազար դոլարով են վաճառում թեկնածուականները. «Մենք լավ գիտենք, թե բուհերը քանի հազար դոլարով են թեկնածուական կամ դոկտորական թեզերը վաճառում, քանի անգամ են պտտվում դրանք, ինչ նպատակների են ծառայում: Եթե ուզում ենք լուծել խնդիրը, եկեք լուծենք: Ես ընդգրկուն նամակով դիմել եմ ՀՀ վարչապետին, որ կազմակերպի շահագրգիռ կողմերի հետ քննարկում, որ հասկանանք՝ տեղում ենք դոփում, թե իզուր տեղն իրար ենք գովում, թե առաջ ենք ուզում գնալ»: Մակարյանի խոսքով՝ Արդյունաբերության ոլորտում ուսանողների 3,3 տոկոսն է սովորում, գյուղատնտեսության ՝1,9: