Թրամփը հայտարարում է, Պեկինը՝ հերքում․ ինչ սպասել
ԱՄՆ նախագահ Դոնալդ Թրամփն այսօր հայտարարել է, որ չինացի պաշտոնյաները «ցանկանում են հանդիպել» առևտրային հարցերի շուրջ և հաստատել է, որ երկու երկրները բանակցություններ կվարեն «անհրաժեշտ ժամանակին», հաղորդում է CNN-ը։
ԱՄՆ նախագահի հայտարարությունը հնչել է ի պատասխան ֆինանսների նախարար Սքոթ Բեսենթի՝ այսօր ավելի վաղ Կոնգրեսին տված այն մեկնաբանության մասին հարցին, որ Չինաստանը ԱՄՆ-ի հետ առևտրային հարցերի շուրջ «դեռևս բանակցություններ չի սկսել»։
Սակայն Թրամփը մինչ այժմ պնդում է, որ ԱՄՆ-ն առևտրային բանակցություններ է վարում Չինաստանի հետ, չնայած Պեկինը հերքում է, որ նման բանակցություններ են ընթանում։
«Նրանք ուզում են բանակցել և ուզում են հանդիպում անցկացնել»,-ասել է Թրամփը Օվալաձև աշխատասենյակում՝ Կանադայի վարչապետ Մարկ Քարնիի հետ հանդիպմանը։ «Եվ մենք նրանց հետ կհանդիպենք ճիշտ ժամանակին»։
Հետևեք մեզ Viber-ում
