Թրամփը խոստացել է կարևոր հայտարարություն անել
ԱՄՆ նախագահ Դոնալդ Թրամփը խոստացել է մայիսի 8-ին կամ 9-ին կարևոր և դրական հայտարարություն անել «շատ կարևոր թեմայի վերաբերյալ»։ Այս մասին նա հայտարարել է լրագրողներին Սպիտակ տանը Կանադայի վարչապետ Մարկ Քարնիի հետ հանդիպման սկզբում։
Նա հիշեցրել է, որ հաջորդ շաբաթ պլանավորել էր գործուղում Մերձավոր Արևելք։ «Կարծում եմ՝ մինչ այդ մենք շատ, շատ կարևոր հայտարարություն ենք անելու։ Եվ ես ձեզ չեմ ասի, թե ինչ է դա։ Բայց այն կլինի, և շատ դրական կլինի», - ասել է նա՝ հավելելով, որ նորությունը պարտադիր չէ, որ առևտրի մասին լինի։
«Դա շատ, շատ դրական է։ Եվ այդ հայտարարությունը կարվի կամ հինգշաբթի, կամ ուրբաթ, կամ երկուշաբթի՝ մեր մեկնելուց առաջ, բայց դա կլինի ամենակարևոր հայտարարություններից մեկը, որը արվել է երկար տարիների ընթացքում որոշակի թեմայի, շատ կարևոր թեմայի վերաբերյալ», - հավելել է Թրամփը։
Հետևեք մեզ Viber-ում
